🏅 MACTA - തിരക്കഥ മത്സരം ഫലപ്രഖ്യാപനവും സമ്മാനദാനവും

MACTA നടത്തിയ തിരക്കഥ മത്സരത്തിന് വളരെ മികച്ച രീതിയിലുള്ള പ്രതികരണമാണ് പുതിയ എഴുത്തുകാരുടെ ഭാഗത്തു നിന്നും ലഭിച്ചത്. നൂറ്റി ഇരുപത് തിരക്കഥകൾ ലഭിച്ച മത്സരത്തിലെ വിധി നിർണയം വിവിധ ജൂറികളുടെ മേൽനോട്ടത്തിൽ മൂന്ന് ഘട്ടങ്ങളായാണ് ഫൈനൽ റൗണ്ടിലേക്ക് എത്തിച്ചേർന്നത്.
ഫൈനൽ റൗണ്ടിലേക്ക് അർഹത നേടിയിരിക്കുന്നത് പതിനഞ്ച് തിരക്കഥകളാണ്.
ഈ പതിനഞ്ച് തിരക്കഥകളിൽ നിന്ന് ആദ്യ മൂന്ന് സ്ഥാനം നേടുന്നവരെ ജൂൺ - 27 - ന് നടക്കുന്ന MACTA ജനറൽ ബോഡി യോഗത്തിൽ വച്ച് ജൂറി ചെയർമാൻ ശ്രീ ഭദ്രനായിരിക്കും പ്രഖ്യാപിക്കുന്നത്. ഫൈനൽ റൗണ്ടിൽ എത്തിയിട്ടുള്ള പതിനഞ്ച്‌ പേർക്കും ജൂൺ 27 -ലെ പുരസ്കാര സമർപ്പണ ചടങ്ങിന് എത്തിച്ചേരുവാൻ ഉള്ള അറിയിപ്പ് നൽകിയിട്ടുണ്ട്.
തിരക്കഥാ മത്സരത്തിന്റെ സമ്മാനദാനം ജൂൺ 27 - ന് ആയിരിക്കും എന്ന് വാർത്താ സമ്മേളനം നടത്തി വിവിധ മാധ്യമങ്ങളിലൂടെയും MACTA അറിയിച്ചിട്ടുണ്ടായിരുന്നു. ഇനിയും ആരെങ്കിലും ഇതേക്കുറിച്ച് അറിഞ്ഞിട്ടില്ലെങ്കിൽ ഇത് ഒരു ഔദ്യോഗിക അറിയിപ്പായി പരിഗണിക്കണം എന്ന് അഭ്യർത്ഥിക്കുന്നു.
എറണാകുളം പ്രൊഡ്യൂസേഴ്സ് അസോസിയേഷൻ ഹാളിൽ നടക്കുന്ന MACTA ജനറൽ ബോഡിയിൽ പ്രമുഖ നിർമ്മാതാക്കളുടേയും സാങ്കേതിക പ്രവർത്തകരുടേയും സാന്നിധ്യത്തിൽ മത്സരവിജയികൾക്കുള്ള പുരസ്കാരങ്ങൾ സമ്മാനിക്കപ്പെടും. ആദ്യ മൂന്ന് സ്ഥാനങ്ങൾ നേടുന്നവർക്ക് ക്യാഷ് അവാർഡ് ഉൾപ്പെടെയുള്ള പുരസ്കാരങ്ങളും ഫൈനൽ റൗണ്ടിൽ എത്തിയ മറ്റ് മത്സരാർത്ഥികൾക്ക് മെറിറ്റ് സർട്ടിഫിക്കറ്റുകളും സമ്മാനിക്കപ്പെടും.
തിരക്കഥ മത്സരത്തിൽ ആദ്യ പതിനഞ്ച് സ്ഥാനം നേടിയവരുട പേരുകളും അവരെ അതിന് അർഹരാക്കിയ തിരക്കഥകളുടെ പേരുകളും ചുവടെ ചേർക്കുന്നു.